Алтын Астық

Ақмола облысында 45 мектеп асханасы сенімгерлік басқаруға берілген. 103 мектепте конкурс бойынша тамақтандырушылар анықталып, штатта аспаздары бар 380 мектеп тамақтандыруды өз бетінше ұйымдастырады деп күтілуде.

468 мектепте ыстық тамақ, 33 мектепте буфеттік тамақтану, 21 мектепте термоспен тамақтану ұйымдастырылады.

Ыстық және буфеттік тамақтануды қосқанда облыс бойынша тамақпен қамту 100% құрайды.

2024 жылға облыстық бюджеттен «Жаппай оқыту» қоры үшін, оның ішінде, аз қамтылған отбасылардағы балаларға тегін тамақтандыруды ұйымдастыру үшін қаражат қарастырылған. Сонымен қатар, бастауыш сыныптардың 57 мыңнан астам оқушысын тамақтандыруға жағдай жасалынған.

«Әлеуметтік қорғалмаған, аз қамтылған және көп балалы отбасылардан 10 544 оқушы тегін ыстық тамақпен қамтылды» – дейді Айнагүл Балташева.

Оқу жылының басталуына жарты айдан сәл астам уақыт қалғанымен, білім басқармасы облыс мектептерін оқу жылына дайындау бойынша  жұмыс жүргізуде. Бұл туралы Ақмола облысы білім басқармасы басшысының м.а Балташева Айнагүл Қыдырбайқызы баяндады.

Ағымдағы жылы жаңа оқу орындарын құру жоспарлануда. Жыл басынан бері 614 жаңа орын құрылған.

Биылғы жылы 6 балабақша құрылысы жалғасуда және жыл аяғына дейін 2 балабақшаның құрылысының аяқталауы жоспарланған.

Мектептерді жаңарту бойынша жұмыстар белсенді жүргізілуде.

Күрделі жөндеу 42 мектепте; 3 балабақшада; 1 қосымша білім беру ұйымында, 2 колледжде жүргізілуде.

Жөндеу жұмыстары ағымдағы жылдың 20-25 тамызына дейін аяқталады деп күтілуде. Бүгінгі танда 10 нысан бойынша жұмыстар аяқталған.

«Басқарма, білім бөлімдері мердігер ұйымдармен бірлесіп жөндеу объектілерінде жұмысшылар санын көбейту жөнінде қосымша шаралар қабылдауда.Облыстың білім беру объектілері ғимараттарының қауіпсіздігін қамтамасыз ету бойынша үлкен жұмыс жүргізілуде» – дейді, спикер Балташева.

Нысандарды іске қосу ағымдағы жылдың 1 қыркүйегіне жоспарланған екен. Алайда, құрылыс басқармасының мәліметінше, 1 қыркүйекте тек Қосшы қаласындағы 1200 орындық мектептің құрылысы аяқталады.

Сонымен қатар, «Жайлы мектеп» ұлттық жобасы аясында ағымдағы жылы 9 мектепті де іске қосу жоспарланып отыр.

Ауылдық денсаулық сақтау мекемелерін медициналық кадрлармен қамтамасыз ету үшін дәрігерлер мен орта медицина қызметкерлерінің кадрлық резерві жасақталды.

«Бүгінде облыстағы медициналық ұйымдарда 2218 дәрігер мен 6587 орта медицина қызметкері жұмыс істейді. Облыстағы медицина қызметкерлерінің кадрлық деңгейі 90 пайызды құрайды» – дейді спикер Сыздықов.

Ақмола облысында дәрігерлердің тапшылығы 190 физикалық маманды құрайды. Оның ішінде облыс қалаларында 65 дәрігер жетіспесе, ауылдық жерлерде 125 дәрігер қажет деген тұжырым жасады.

Қазіргі таңда экономика және жоспарлау басқармасына 2023 жылы келген қалған дәрігерлерге әлеуметтік қолдау көрсетуге бюджет қаражатын бөлу үшін тиісті бюджеттік өтінім берілді.

          Сонымен қатар, 2023 жылы ауылдық елді мекендерге келген 59 дәрігер және қалаға келген 31 дәрігер тұрғын үймен қамтамасыз етілген.

          Биыл тамыз-қыркүйек айларында мамандық бойынша 120 тұрғын келеді деп жоспарлануда.

Бұл жайында бүгінгі брифингте Ақмола облысы Денсаулық сақтау басқармасы басшысының орынбасарының м.а Сыздықов Бауыржан Айтбайұлы мәлімдеді.

Спикеріміз ең алдымен медициналық денсаулық сақтау саласын жаңғырту туралы сөз қозғады. Қазіргі уақытта Ақмола облысында 561 денсаулық сақтау нысаны жұмыс істейді, оның ішінде: стационарлық көмек көрсететін 23 ұйым, жедел жәрдем станциясы, қан орталығы, амбулаториялық-емханалық көмек көрсететін 530 денсаулық сақтау ұйымы бар.

 «Облыстың медицина саласының басым бағыттарының бірі – ауыл денсаулық сақтау саласын дамыту. Қазіргі таңда облыстың 14 ауданында 43 мыңнан астам ауыл тұрғындары тұратын 38 алғашқы медициналық-санитарлық көмек нысанын салу жоспарлануда» – дейді Сыздықов.

Барлық жобалар бойынша сараптамалық қорытындылар алынған.6 нысан бойынша нысанды салуға талон алу рәсімдері жүргізілуде. Жаңаесіл ауылындағы 3 нысан бойынша мердігерлерді анықтау бойынша конкурстық рәсімдер жүзеге асырылуда және 29 нысанда құрылыс жұмыстары жүргізілуде.

             Инженерлік инфрақұрылым құрылысына қатысты 2 денсаулық сақтау нысанының (Астрахань ауданындағы Ескі Колутон, Аршалын ауданындағы Арнасай) жобалау жұмыстары жүргізіліп, 13 жоба сараптамаға жіберілген.

          Сонымен қатар, екі аурухананы (Степногорск көпсалалы қалалық ауруханасы, Атбасар көпсалалы ауданаралық ауруханасы) жаңғырту жұмыстары жүргізіліп, екі ауруханада (Степногорск қаласындағы жансақтау бөлімі мен операциялық бөлімшенің жөндеуі, Атбасардағы бас корпустың жөндеуі) да жөндеу жұмыстары басталды.