«Кездейсоқ комплимент»: Ақмола облысындағы сайлау учаскелерінде ерекше акция өтіп жатырАқмола облысындағы сайлау учаскелерінде «Кездейсоқ комплимент» атты ерекше акция өтіп жатыр. Оның мақсаты – дауыс беруге келген сайлаушыларға көтеріңкі көңіл күй сыйлап, жағымды атмосфера қалыптастыру.Акция аясында өңір тұрғындары жылы лебіздер мен жақсы тілектер жазылған қағаздарды таңдап алады. Олардың қатарында: «Күніңіз дауыс беруге келу туралы қабылдаған шешіміңіздей жақсы өтсін», «Жымиысыңыз бен қатысуыңыз үшін рақмет», «Сіз бұл күнді одан да жақсы еттіңіз» сияқты тілектер бар.Ерекше акция Бұланды, Ақкөл, Атбасар және Егіндікөл аудандарында өтті.Акцияның алғашқы қатысушыларының бірі Макинск қаласының тұрғыны Лариса Соколова болды. Ол да акцияға қатысып, кездейсоқ тілекті таңдап алды.«Осындай жылы сөздерді алу өте жағымды екен. Көңіл күйің көтеріліп, бұл күн одан әрі ерекше бола түседі», – деді Лариса Соколова комплиментті оқып, күлімсіреп.Ұйымдастырушылардың айтуынша, көптеген сайлаушылар акцияға қызығушылықпен қатысып, тілектерді қуана таңдап алып, айналасындағылармен жақсы көңіл күй бөлісуде.Бұл бастама дауыс беру күнін жылы әрі есте қаларлық етуге, сондай-ақ әр азаматтың ел өміріне қатысуының маңызын көрсетуге бағытталған.