Алтын Астық

АСТАНА. ҚазАқпарат – ҚР Орталық сайлау комиссиясының мүшесі Асылбек Смағұлов президенттікке кандидаттар арасындағы телевизиялық пікірсайыс қанша уақытқа созылатынын айтты, деп хабарлайды ҚазАқпарат тілшісі.«Телевизиялық пікірсайыс «Хабар» телеарнасында өтеді. Ұзақтығы 80 минуттан кем болмайды. Кім қай тілде сөйлегісі келеді, қай тілде сұрақ қойғысы келеді, сол тілде өтеді. Мысалы, сайлаушылардың атынан да сұрақтар келіп түсуі мүмкін. Сұрақ қай тілде қойылса, сол тілде жауап береді», – деді ол ОСК отырысынан кейін ұйымдастырылған баспасөз мәслихатында.Ал «Хабар» агенттігі» АҚ басқарма төрағасының орынбасары Дәулетхан Жиенқұлов телевизиялық пікірсайыс уақыты созылуы мүмкін екенін жоққа шығармады.«Теледебат кемінде 80 минут болады деп отырмыз. Ол кандидаттардың бағдарламасын таныстыруына, сұрақтарға жауап беруіне байланысты ұзарып кетуі де мүмкін. Сондықтан кандидаттарға қандай да бір шектеу болады деп ойламаймын», – деді ол.Сонымен қатар Дәулетхан Жиенқұлов агенттіктің электронды поштасына сайлаушылардан сұрақтар келіп түсіп жатқанын жеткізді.«Сұрақтар видеоформатта болады. Кез келген азамат өзі таңдаған кандидатқа сауалын жолдай алады. Кімнен келсе де, сұрақ қойылады. Сауалдың тікелей эфирде қойылуына регламент мүмкіндік бермейді», – деді телеарна өкілі.

АСТАНА. КАЗИНФОРМ – В Центральной избирательной комиссии назвали сумму средств, выделенных на проведение предвыборных дебатов, передает корреспондент МИА «Казинформ».Член Центральной избирательной комиссии Анастасия Щегорцова пояснила, что на проведение предвыборных дебатов будет выделено 63 млн тенге.«Эта программа не была заложена в плане «Хабара», по которому он получает ежегодное финансирование. Эта статья расходов предусмотрена непосредственно в смете расходов ЦИК. Согласно закону, есть компетенция ЦИК на проведение дебатов», – сказала она на заседании ЦИК РК.По словам заместителя председателя правления АО «Хабар» Даулетхана Жиенкулова, средства пойдут на организацию студии, на связь во время прямого эфира, на наем дополнительного персонала.Ранее сообщалось, что Центральная избирательная комиссия РК утвердила регламент проведения предвыборных дебатов и дискуссий, которые состоятся 11 ноября в прямом эфире телеканала «Хабар».

АСТАНА. ҚазАқпарат – Кандидаттардың сайлау алдындағы пікірсайысын өткізу үшін 63 млн теңге жұмсалады. Бұл туралы бүгін ҚР Орталық сайлау комиссиясының мүшесі Анастасия Щегорцова айтты, деп хабарлайды ҚазАқпарат тілшісі.ОСК отырысынан кейін ұйымдастырылған баспасөз мәслихатында БАҚ өкілдері теледебат өткізу үшін «Хабар» телеарнасына қанша қаражат бөлінетінін сұраған еді.«Хабар» телеарнасының өтінімі бойынша 63 млн теңге бөлінеді», – деп жауап берді Анастасия Щегорцова.«Хабар» агенттігі» АҚ басқарма төрағасының орынбасары Дәулетхан Жиенқұлов бұл қаражаттың қайда жұмсалатынын айтты.«Біріншіден, келісімшарт жасалсын, қаражат қазынаға түссін. Содан кейін айтамыз. Екіншіден, тікелей эфир кезіндегі байланысқа, декорацияға, студия жабдықтауға, жарыққа жұмсалады. Бұл бір рет қана болатын іс-шара болғандықтан арнайы студия жасалады. Қосымша адамдарды жұмысқа тартуға да қаржы жұмсалады. Енді телевидениенің технологиясын білетін адам ақшаның қайда жұмсалатынын біледі деп ойлаймын», – деді ол.Осы орайда Анастасия Щегорцова телеарнаның биылғы бюджетінде теледебат өткізуге қаражат қарастырылмағанын атап өтті.«Бұл қаражат Орталық сайлау комиссиясының шығындар сметасында қарастырылған. Заңға сәйкес, ОСК-нің дебат өткізуге мүмкіндігі бар», – деді ОСК мүшесі.