Президент сайлау үрдісін жетілдіруде үшін де біршама тың бастамаларды қолға алды. Ең алдымен, сайлауалды үгіт-насихатын онлайн платформада жүргізуге мүмкіндік берілді. Одан бөлек, сайлау заңнамасына да бірқатар толықтырулар мен өзгертулер енгізілді. Мұның бәрі сайлау процесін жетілдіруге септігін тигізіп, дауыс берушілердің бірыңғай электрондық базасын құруға жол ашты. Сол арқылы сайлаушылар екі рет дауыс бере алмайтын болды және азаматтардың кез келген учаскеде дауыс беруіне жағдай жасады.
Мемлекет басшысы Қасым-Жомарт Тоқаев мырза бір жыл бұрынғы «Жаңа Қазақстан: Жаңару мен жаңғыру жолы» Жолдауында саяси жүйе мен елдің әкімшілік-аумақтық құрылымына ауқымды өзгерістер енгізу керектігін айтқан болатын. Енді уақыт өте келе осы реформалардың ел өміріне қаншалықты жаңашылдық әкелгенін сараптап көрейік.
Әділ де Әділетті Қазақстан құрудың алғашқы бір нышандары қазірдің өзінде еліміздің әлеуметтік және саяси өміріне кірігіп, жұмыс істей де бастады. Бұлай деп батыл байлам жасауға 2022 жылдың 5 маусымында Қазақстан Республикасының Конституциясына толықтырулар мен өзгерістер енгізу мақсатында өткізілген жалпыхалықтық Референдумды ерекше атап өтуге болды!
